|
Հարցը ներկայացրեց համայնքի ղեկավարը՝ նշելով, որ Վարդենիսի քույր քաղաքից ունենք հրավեր՝ Ռոման-սյուր-Իզեր մեկնելու և Դոֆինե Ռոման տոնավաճառին մասնակցելու համար: Առաջարկում եմ Վարդենիս համայնքի պատվիրակության գործուղման համար՝ վարչական բյուջեի 4729 /ավագանիների ծախսերի փոխհատուցում/ տնտեսագիտական հոդվածից պակասեցնել 500․000 ՀՀ դրամ, այն ավելացնելով բյուջեի 4222 /արտասահմանյան գործուղումներ /տնտեսագիտական հոդվածին։
Ելույթով հանդես եկավ ավագանու անդամ Դավիթ Շահնազարյանը՝ առաջարկելով բաժանել երկու կետի՝ առաջին կետը դառնա երկրորդ և կնշվի թե որքան գումար է հատկացվում, իսկ առաջին կետով կատարել փոփոխություն բյուջեում:
Համայնքի ղեկավարը առաջարկեց հատկացնել 1500000 /մեկ միլիոն հինգ հարյուր հազար/ ՀՀ դրամ, սակայն երևի կծախսվի մոտ 800000/ութ հարյուր հազար/ ՀՀ դրամ:
Հարց հնչեց պատվիրակության կազմի մասին, որին ի պատասխան համայնքի ղեկավարը հայտնեց, որ կազմն արդեն հաստատված է, առաջիկայում նախատեսվում են փոխադարձ այցեր արդեն խմբակցությունների ղեկավարների հետ:
Այլ առաջարկություններ և առարկություններ չեղան, քվեարկության արդյունքում 22 կողմ, 0 դեմ, 0 ձեռնպահ ձայների հարաբերակցությամբ հարցն ընդունվեց:
|